جديد ڊڪشنري - ۲ - هالار اترادي

جديد ڊڪشنري - ۲

هالار اترادي

1.      آبپاشي انجنيئر: ريج جي پاڻيءَ جو واپاري.

2.      اجي جديجا: پيار لاءِ پاڳل

3.      اخبار: ڌاڙيلن جو خبرنامو.

4.      اخبار: هاءِ بلڊ پريشر جو ڪيپسول، جيڪو اکين سان کائڻو پوندو آهي.

5.      اداڪار: بک تي به خوش رهڻ واري سڃي مخلوق

6.      اداڪارائون: سفارش جا بنڊل

7.      اداڪاره: ڪپڙن جي لنڊا بازار.

8.      اسڪول: دولت ڪمائڻ جو نسخو.

9.      اسيمبلي ميمبر: اليڪشن کانپوءِ روپوش.

10.     اسيمبلي هائوس: چونڊيل نمائندن جو آکاڙو.

11.     آفيسر: اهڙو شخص جنهن جي حڪم سان پنن مان به پئسا تيار ٿي وڃن.

12.     اکيون: وزير قانون

13.     امتحاني بورڊ: اهليت جا سرٽيفڪيٽ وڪڻندڙ کاتو.

14.     امن: ٻن جنگين جي وچ واري فوج جي تياري.

15.     اميتاڀ بچن: باس.

16.     انسان: سماجي جانور، جنهن جي کل هڪ دفعو نه پر هر هر لاٿي ويندي آهي.

17.     انشورنس آفيسر: حضرت عزرائيل جو نمائندو.

18.     انفرميشن آفيسر: سرڪاري چغل خور.

19.     انگريزي اسڪول: ٽيوشن سينٽر.

20.     انگريزي قانون: جيڪي ڄڻين، سي نپائين.

21.     انگريزي ماستر: ڪاپي ۽ ٽيوشن جو چيمپيئن.

22.     اوطاق: ڳوٺ جي گاديءَ جو ھنڌ.

23.     اولاد: ڪن لاءِ زندگيءَ جو سهارو، ڪن لاءِ خورايءَ جو کارو.

24.     ايمبولنس: ڊاڪٽرن جو سرڪاري ڪنوينس.

25.     بازاري شاعر: اهڙو جراثيم جيڪو نه مرڻ ڏئي نه جيئڻ ڏئي.

26.     بالي ووڊ: جتان جي اداڪارھ فطري لباس ۾ اداڪاري ڪرڻ جو گر ڄاڻي.

27.     بجيٽ: غريبن جي ڪمائيءَ تي وزيرن جا ٺاٺ.

28.     بربادي: جڏهن پاڙيسري نئين ڪار خريد ڪن ۽ توهان جي گهر واريءَ کي خبر پئجي وڃي.

29.     بورچي خانو: عورتن جي ليبارٽري.

30.     بي روزگار: پريشانين، ڏکن ۽ مصيبتن جو مڪسچر

31.     بئنڪ: چوري ڪرڻ جو سولو طريقو.

32.     ٻانهون: وزير خارجه.

33.     ٻهراڙيءَ جو اسڪول: چڱي مڙس جي اوطاق.

34.     ٻهراڙيءَ جو پرائمري ماستر: وڏيري جو منشي.

35.     پرائمري استاد: گم ٿيل جو پتو گهرجي.

36.     پرائمري اسڪول: مڇي مارڪيٽ.

37.     پرائمري ماستر: پڙهو نه پڙهو، پھرينءَ تي اسان جو پگهار کڙو.

38.     پرنسپال: ڪاپي سينٽر جو رکوالو.

39.     پگهار: نالو وڏو، ديھ بيران

40.     پوليس اسٽيشن: ڌاڙيل بڻائڻ جو ڪارخانو.

41.     پوليس وارو: سرڪاري ڌاڙيل.

42.     پي ٽي اي: هر دور جي حڪمرانن لاءِ فعال ۽ موثر پروپيگنڊه سيڪريٽري.

43.     پئسو: هر ڪم آسان.

44.     تعليم: فضول خرچي.

45.     توبھ: ٻيهر گناھ ڪرڻ جي تياري.

46.     ٿاڻو: مجرم ٺاهڻ جي فيڪٽري،

47.     ٿاڻو: مسڪينن لاءِ گهاڻو.

48.     ٽريڪف سارجنٽ: گاڏيءَ جا ڪاغذ اڻپورا.

49.     ٽنگون: وزير مواصلات

50.     ٽي وي: بيويءَ جو هم قافيه، جنهن ۾ آف جو بٽڻ لڳل هوندو آهي.

51.     ٽي وي: ڪلاشنڪوف ڪلچر جو تربيت گاه.

52.     ٽيليفون کاتو: ڳالهايو نه ڳالهايو، پئسه ڏيو.

53.     جوا: مفلسيءَ جي چاٻي.

54.     چڙيا گھر: جتي جانور، انسانن جي زيارت ڪري خوش ٿيندا آهن.

55.     چمڙي: وزير دفاع

56.     چور: اڳ هئا ۽ هاڻ ترقي ڪري ڌاڙيل ٿيا آهن.

57.     چيف ايگزيڪٽو: ضدي داغ صاف ڪرڻ جو ماهر.

58.     چيئرمين عشر زڪواة: ڪُرڙين جو واهي ڪنگ.

59.     ڇوڪري: اهڙو ائٽم بم، جيڪو آخر وڃي پيڪن ۾ ڦاٽي.

60.     حاجي: انٽرنيشنل واپاري.

61.     حقو: هڪ ئي ڪش ۾ ڏھ سگريٽ.

62.     دادو-ڪوٽڙي لائين جي ريل: ريلوي پوليس جي موبائيل ملڪيت.

63.     دڪانداري: قسم جي ڪمائي.

64.     دل: زماني ۾ سستو گفٽ.

65.     دل: صدر

66.     دماغ: وزير اعظم

67.     دوست: سکڻن دلاسن جي پلانن جي ديڳ.

68.     دوست: کيسي جي تباهي.

69.     ڊاڪٽر: فيملي پلاننگ جو ايجنٽ۔

70.     ڊرائيور: موت جو فرشتو.

71.     ڏند: وزير تعميرات

72.     ڌاڙيل: وڏيرن جو ماڻهن-مار توبچي.

73.     ڌيءُ: کري ته خوار، سڌري ته هيرن جو هار.

74.     راشن وارو: رزق جو داروغو.

75.     رشوت: فرش کان عرش تائين پهچائڻ جو آسان ذريعو.

76.     رڪشا: ويهو ۽ خدا کي ياد ڪريو.

77.     روڊس جو انجنيئر: روڊن جي ٺهڻ ۽ ساڳئي روڊ جي مرمتي ٺيڪن جا ٽينڊر هڪ ئي وقت شايع ڪندڙ.

78.     روينيو عملدار: سڀڪنهن جو اڻ واقف

79.     زال: ڳوڙها ڳاڙڻ جي مشين.

80.     الزام تراشي: وات جو ذائقو بدلائڻ لاءِ ٻن پاڙيسرين جي تنقيد.

81.     زبان: وزير نشريات.

82.     زرعي توسيع ڪارڪن جي آفيس: مال جو واڙو.

83.     سالو: ڀيڻ جي زور تي هلڻ وارو بيوقوف

84.     سچي محبت: ڊڪشنريءَ جو هڪ خوبصورت لفظ

85.     سرڪاري اسپتال: دارالبقا جو ٽڪيٽ گهر.

86.     سرڪاري بس: گشتي نيم حڪيمن جو دوڪان.

87.     سرڪاري ڊاڪٽر: ڊيوٽيءَ تي مريض، پرائيويٽ ڪلينڪ تي ڊاڪٽر.

88.     سس: مٿي ۾ سور وجهڻ واري مصيبت

89.     سنجي دت: هيروئين جو هيراڪ

90.     سنڌ جا تعليمي ادارا: پاڻي پٽ جو ميدان.

91.     سنڌ: ڌارين جو ديرو.

92.     سنڌي آفيسر: نه سڄڻ کي آسرو، نه دشمن کي ڀؤ.

93.     سني ديول: لڙائيءَ جو ڪوڏيو

94.     سهرو: زال جي آڪھ جو امپائر.

95.     سهرو: قدرتي ڏمر

96.     سياست: ٺڳي.

97.     سياست: مني بيڪ گارنٽيMoney back Guarantee

98.     سياستدان: جيڪو چوي ٻه ۽ ٻه ٿيا پنج

99.     سياسي ليڊر: يا ڪرسي تيرا آسرا.

100.   شادي: اهڙو ڪتاب، جنهن جو پهريون باب آبادي ۽ آخري باب بربادي آهي.

101.   شادي: اهڙي زنجير جنهن ۾ شينهن ۽ لومڙ گڏ ٻڌي سگهجن.

102.   شاگرد: سياسي پارٽي جا داداگير.

103.   شاه رخ: گونگن جو گوڙ.

104.   صحافي: ڳالهائي ته شير، لکي ته لومڙي.

105.   صدر: آرڊيننس ۽ مشين

106.   صوبيدار: فريادي ۽ جوابدار جا کيسا خالي ڪندڙ محسن.

107.   صوبيدار: مرڻو به کائي، پرڻو به کائي.

108.   عاشق: پاڻ کي پريشان ۽ ٻين کي خوار ڪرڻ وارو عجيب انسان

109.   عشق: اهڙي بربادي جنهن ۾ دولت سان گڏ صحت به چٽ

110.   عشق: موجوده دور ۾ پارٽ ٽائيم جاب

111.   عمر: مرد جو نشان ۽ عورت جو راز.

112.   عورت: گهر جو ڏيئو ۽ جيڪڏهن منجهس تيل نه هجي پاڻ ٻرڻ لڳي.

113.   غريبي: ڏکن پريشانين مصيبتن کي گڏ ڪرڻ واري گندي.

114.   فقير: ڪم چور.

115.   فيشن: درزيءَ جي غلطي.

116.   ڪاليج: کڙتالي سياست گهر.

117.   ڪامريڊ: مفت ۾ مزا ماڻڻ وارا مست

118.   ڪانگ: مهمانن جي اچڻ جي خبر ڏيڻ وارو نجومي.

119.   ڪبوتر: خاندان مغليا جو رٽائرڊ ٽپالي.

120.   ڪپڙو: ڄمڻ کان مرڻ تائين.

121.   ڪتاب: جڏهن ننڊ نه اچي ته پوءِ سمهڻ لاءِ پڙهڻ.

122.   ڪرسي: اسيمبليءَ ۾ سياستدانن جي وڙهڻ جي خاص ترين هٿيار.

123.   ڪزن: سمورن رستن جو شارٽ ڪٽ.

124.   ڪفن: قدرتي يونيفارم.

125.   ڪمائي: مڙس ڪري ته واه، پاڙيسري ڪري ته آه.

126.   ڪن: وزير ٽپال ۽ تار.

127.   ڪنڊيڪٽر: واحد مخلوق جنهن کي ڀريل بس به خالي نظر ايندي آهي.

128.   ڪنوار جو وزن: چارسؤ ويھ ڪلوگرام، بشرطيڪ عورت فل ميڪ اپ ۽ زيورن سان آراسته هجي.

129.   ڪڻڪ جو بحران: سمگلنگ جي آزادي.

130.   گنجو: ڦڻيءَ کان ڇرڪندڙ انسان.

131.   گورنر: هش ۾ خوش

132.   گووندا: چرين جو سردار

133.   لوڊشيڊنگ: ان الله مع الصابرين تي عمل ڪرڻ.

134.   ليڪچرار: جيڪو پهرين تاريخ تي ڊيوٽي تي اچي.

135.   مال: اکين جو ڍؤ.

136.   مٿو: وزير تعليم

137.   محبت: رومانوي افسانن جو اڪيلو پلاٽ.

138.   محبت: ڪوڙ ۽ دوکو.

139.   محبوبه: جوس ڪڍڻ واري مشين.

140.   محقق: جيڪو گهڻن ڪتابن تان ڪاپي ڪري.

141.   مڙس: ناڪام عشق جو نشان.

142.   مشير: نه سڄڻ کي آسرو، نه دشمن کي ڀؤ.

143.   معدو: وزير زراعت ۽ صحت

144.   ملان: آڻ پرائي، ته ڏسئون کائي.

145.   منصبوبه بندي: نئين سال خلاف گهرو سازش.

146.   مني بس: ڪرنگهي جي هڏي سڌي ڪرڻ جي واحد جاءِ.

147.   مهانگائي: اهڙو ٻار جنهن جي سالگره هر سال جون مهيني ۾ ٿيندي آهي.

148.   نابين: اهو عقلمند، جيڪو ڏسي ڏسي قدم کڻي.

149.   نڀاڳو پٽ: ٻيو دشمن ئي نه ڌارجي.

150.   نقاد: ناڪام اديب.

151.   نڪ: وزير صحت

152.   ننڍپڻ: وڏن جي لاءِ سڀ کان خوبصورت ۽ ٻارن جي لاءِ تڪليف ڏيندڙ.

153.   هاري: پاڻ بکيو، ٻين کي کارائي.

154.   هٿ: وزير محنت.

155.   هوٽل: بيورزگارن جو آستانو.

156.   هيڊ ماستر: ٽيوشن سينٽر جو رکوالو.

157.   هيروئني: خانداني منصوبه بندي وارن جو خيرخواه.

158.   واپاري: يا ملاوٽ! تيرا آسرا.

159.   واپڊا جو انجنيئر: اونده جي ڪمائي ڪندڙ.

160.   واپڊا کاتو: اونده وڪڻي، پئسا ڪمائي.

161.   وڏو شاعر: جيڪو صدارت جي ڪرسيءَ کي ڳوليندو هجي.

162.   وڏيرو: چورن جي ناني.

163.   وزير اعظم: ڪريز تي بيهڻ وارو بيٽسمين.

164.   وزير اعليٰ: سرڪاري ملازمن جو پويون ڏينهن.

165.   وزير: جيڪو ووٽ غريبن کان وٺي، نوٽ اميرن کي وَٽائي.

166.   وڪيل: حرام حلال جي ڪاتي.

167.   وي سي آر: ٻارن کي بالغ ڪرڻ جي مشين.

168.   وي سي آر: نئين نسل لاءِ مٺو زهر.

169.   ويڊيو گيم: ٻارن لاءِ ٻرو.

(ڏيھاڙي برسات ڪراچي، ڇنڇر ۱۷ سيپٽمبر، ۱۹۹۴ع ۾ ڇپيو، جنھن ۾ ۵۲ داخلائن جي نام-مالھا ڏنل ھئي. ھاڻي ان کي وڌائي، پيش ڪجي ٿو.)