ڪيڏانھن منھن مريم جو، ڪيڏانھن
ٽنڊو الھيار
خليل کوسي جي پھاڪن ۽
چوڻين بابت لکيل ڪتاب جو تعارف
گل حسن لاکو
پھاڪا؛ لوڪ ادب جي
لساني ۽ ادبي تحقيق آھن.
پھاڪا ۽ چوڻيون، اصطلاح
۽ محاورا؛ سنڌي ٻوليءَ جي سونهن ۽ حسناڪي آهن.
پھاڪا، چوڻيون،
اصطلاح، ورجيسون؛ سنڌي ادب ۾ لوڪ ڏاهپ جو اھم علمي ادبي ذخيرو آھن. جنھن کي سانڍي،
سنڌ جي سڄاڻ اديبن، سنڌ جي لوڪ ڏاهپ کي محفوظ ۽ مٿانھون ڪيو آھي.
ديوان ڪوڙومل چندن
مل کلناڻي، اھو پھريون وڌوان ھو جنھن (سنڌي پھاڪا) ڪتاب ۱۸۸۹ ۾، ڇپايو.
ان کان پوءِ ديوان ڪيولرام
سلامت راءِ آڏواڻيءَ جو پھاڪن جو ڪتاب (گل شڪر) ۱۹۰۵ ۾، ڇپيو.
روچيرام گجو مل ڪرپالاڻي
انگريزيءَ ۾ سنڌي پھاڪن جو ڪتاب ۱۸۹۲ ۾ ڇپايو.
ان کان علاوه ڪاڪي ڀيرومل
مهرچند آڏواڻيءَ، گھنشامداس سترامداس، پيسومل، سترامداس جڙياسنگھاڻي، ڊاڪٽر مرليڌر
جيٽلي، ليکراج عزيز، مرزا قليچ بيگ، ڊاڪٽر بلوچ، عبدالڪريم سنديلي ۽ موجوده وقت ۾
انجنيئر عبدالوھاب سهتي ۽ خليل کوسي جو ڪم ساراھ جوڳو آهي.
چون ٿا تہ؛ پھاڪن ۽
چوڻين جي اصل خالق جو ڪو پتو ڪونهي. مگر اسان جي يار خليل کوسي اٺن سالن جي پنڌ،
پورھيي ۽ جاکوڙ ذريعي ضلعي ٽنڊي الهيار ۾ اسرندڙ پھاڪن، چوڻين، سندن راوين، ماڳ مڪانن،
ڳوٺن ۽ شھرن جي جاگرافي ۽ روايتن کي سھيڙي لوڪ ادب جي ھڪ تاريخ جوڙي آهي.
جيڪو ساراھ جوڳو
علمي ادبي تاريخي تهذيبي ۽ ثقافتي ڪم آهي.
No comments:
Post a Comment