سانوَڻ ڪري کِنوڻ ۽ گجگوڙ،
بَڊو ڪري ٻوڙان ٻوڙ.
(لاڙ، چوڻي)
علي محمد لغاري ”کيسانوي“
سنڌي ڪئلينڊر
سنبت ۲۰۷۹ بڪرمي جو سانوڻ مھينو، ٻٽيھن ۳۲ ڏينھن جو عرصو وٺي، سورھين ۱۶ آگسٽ تي
کنوڻ ۽ گجگوڙ جي برساتن سان ھلي پورو ٿي ويو. چؤماسي جي ھلندڙ برساتن ۾، بڊي جي
مھيني سترھين ۱۷ آگسٽ کان سانوڻ جي جاء والاري ته ”گونگو مِينھن“ شروع ٿي ويو. جنھن
بنا کِنوڻ ۽ گوڙ جي، گونگو ٿي وسڻ شروع ڪيو ۽ اصل واڄٽ وڄائي ڇڏيائين. سانوڻ ته
کنوڻ ۽ گجگوڙون ڪري، ڌڌڪا مچائي، وسيو پر بڊي ته اصل ٻوڙان ٻوڙ ڪري ڇڏي ۽ ھر ھنڌ
پاڻيءَ جي ڇَر ئي ڇَر لڳي پئي آھي.
پکي پکڻ
چوڳي لاء، جهنگلي جانور پناھ ۽ کاڌي لاءِ، چوپايو مال گاھ لاءِ ته انسان ساھ ۽ سڪون
لاءِ پريشان ٿي ويو. ٻنين ۾ رھڻ وارا ھاري، پورھيت گهر ٻڏي وڃڻ سبب، اجها ڇڏي ٻچا
کڻي سر بچائي ۲۰۱۰ع ۽ ۲۰۱۱ع وارين مھا ٻوڏن وانگر، مٿانھن ھنڌن ۽ روڊن جي ڪنارن تي
بي يار و مددگار نڪري اچي ويٺا آھن.
مطلب:
”گونگي
مينھن“ سان بڊي ٻوڙان ٻوڙ ڪري ڇڏي.
(علي محمد لغاري ”کيسانوي“ جي فيسبڪ ٽائيم وال تان ۱۹ آگسٽ ۲۰۲۲ع تي رکيل/ کنيل)
No comments:
Post a Comment