پر-متڙيو
مٺل جسڪاڻي
پرائي
مت تي عمل ڪرڻ واري کي پر-متڙيو سڏيو ويندو آھي.
ھر ذي
فھم انسان کي، پنھنجي حالتن جو تفصيلي جائزو وٺي ۽ حقيقتون ڄاڻي، پنھنجو عقل
استعمال ڪرڻ گھرجي. صلاح جي ضرورت ھجي، ته ڪنھن ھڪ کان نه، ھر ڪنھن کان به نه، فقط
اعتبار جھڙن ۽ سڄڻن سان صلاح ڪرڻ گھرجي.
اوھان
اھو ضرور معلوم ڪريو، ته جن سان گڏ رھو ٿا، اٿو ويھو ٿا، اندر اوريو ٿا، انھن ۽
اوھان جي سوچ ۽ سمجھ ۾ ڪھڙو فرق آھي؟ اھي پنھنجي پاڻ لاءِ ڪھڙي ڳالھ کي درست سمجھن
ٿا ۽ جيڪو اوھان کي مشورو ڏين پيا، ڇا ٻئي ھڪجھڙا آھن. اگر آھن ته پوءِ کين صحيح
سمجھي کانئن مشورو وٺو. اگر اڳلا پنھنجي ل۽ پنھنجن لاءِ ھڪڙي ۽ اوھان لاءِ ٻي صلاح
ٿا ڏين ته ان مشوري کي پوئتي رکو.
پاڻ
جنھن سماج ۾ رھون ٿا، ان سماج کي به سمجھڻ گھرجي. پنھنجي ماحول ۾ جيڪا سياڻپ، ڏاھپ،
سرت، سمجھه، ساڃاھه، خلوص ۽ سڄڻپائي وارو ماحول آھي، ان کي سمجھڻ جي به اشد ضرورت
آھي.
ڪٿي
ائين نه ٿئي، ڪو ٻيو استعمال ڪندو ھجي ۽ پاڻ اکيون پوري سندس مشوري تي عمل ڪيون ۽ استعمال
ٿي وڃون!
No comments:
Post a Comment