ڇڙي جي باھ
(ورجيس)
ابراھيم کرل
ڇڙي کجيءَ جو پوٽن
واري حصي کي چئبو آھي. جيئن وڻن ۾ لامون ٿين، اھا ڇڙي جڏھن ڇانگجي ٻارڻ جي ڪم
ايندي آھي تہ سندس پوٽا، باھ ۾ جلدي سڙي وڃڻ جي صلاحيت رکندا آھن. ڇڙيءَ جي باھ گھڻو
دير جٽاءُ نہ ڪندي آھي. جلد ڀڙڪندي آھي ۽ منٽن ۾ ڇار ٿي ويندي آھي. اھو جھٽ کن جو ڀڀڙ،
نہ سيءُ لاھي سگھندو آھي ۽ نه مٿس ماني پچي سگھندي آھي. پر باھ مچائڻ ۾ واھ جو ڪم ڏيندو
آھي.
مطلب؛
۱. ڪانڊيرن جي باھ.
۲. غير جٽادار ڪاوڙ.
۳. اڻ سوچيو جذبو.
(ابراھيم کرل، ’ھيءُ روشن شيخ آھي‘، فيسبڪ ٽائيم وال پوسٽ تي ڪمينٽ ۾ ۲ فيبروري ۲۰۲۲ع تي ورتل وضاحت.)
No comments:
Post a Comment