يا ڪپو ڪڇ ۾، يا ڍينگو
ئي ڍيري.
انجنيئر عبدالوھاب سھتو
کوھ جي
مٿان لوٽين جي مالھا ڍينگي ۾ ڦرندي رھندي آھي، جنھن سان ھڪڙيون لوٽيون ڀرجي مٿي
وينديون آھن، ٻيون مٿان خالي ٿي ٻئي پاسي کان ھيٺ پيون لھنديون آھن. اھي جن رسن
سان ٻڌل ھونديون آھن، سي طاقت وارا ھوندا آھن. جڏھن ڪمزور ھوندا آھن ته ٽٽڻ سان
مالھا وڃي کوھ جي اندر ڍير ٿيندي آھي، جنھن کي محاورتًا ڍينگو ئي ڍيري ٿيڻ سڏبو.
اگر رسا طاقت وارا آھن ته پوءِ لوٽيون ڀرجي اينديون ۽ پاڻي نار جي نيسر مان ٿيندو ڪسيءَ
۾ پھچندو جتان ڪپو يا ڪپوريو يا دلو ڀري ڪڇ تي رکي کڻڻو/ ھلڻو پوندو.
مطلب؛
۱. يا ڪم
ڪرڻ سان فائدو حاصل ٿيندو، يا ڪم ڪرڻ سان نقصان پوندو.
۲. يا
ته سيٺ سيرو مل ھجبو، يا ته جتي ھٿ ۾ ھوندي.
۳. يا رھبو
ڏنگ ڏڙي ۾، يا گھمبو وڃي (رڻ) ڪڇ ۾.
