منفي پرچار
امتياز احمد عرساڻي
·
گلو بٽ
ماضي قريب ۾ ئي سياسي ڪردار ”گلو بٽ“ جو محاوراتي
ڊڪشنري ۾ اضافو ٿيو. ”گلو بٽ“
حڪومتي مشينري جو هڪ اهڙو ڪردار آهي، جيڪو حڪمراني جي مفادن پٽاندر سندن غير
قانوني ۽ غنڊه گردي تي مبني ڪم، با آساني ۽
ديدادليري سان انجام ڏئي سگهي ٿو. هو حڪومتي سرپرستي ۾ مخالفن جو جيڪو وڻي نقصان ڪري
سگهي ٿو، جنهن کي روڪڻ ٽوڪڻ وارو ڪير به نه آهي. ”گلو بٽ“
هاڻي ڪنهن جو نالو نه پر هڪ محاوراتي ڪردار آهي. دنيا ۾ ٿيندڙ هر
منفي عمل، جيڪو حڪومتي سرپرستي ۾ ٿيندو،
ان کي ”گلو بٽ“
جي محاوري سان منسوب ڪيو ويندو. تازو ئي هڪ ليک ۾ ان محاوري جي مناسبت سان هڪ جملو
استعمال ڪيو ويو ته ”نيب جو ادارو ’گلو
بٽ وارو ڪرادار‘ ادا ڪري رهيو آهي.....!”
·
گهوسٽ ورڪر
”گهوسٽ ورڪر“ جو محاورو به هاڻي اسان لاءِ ڪو نئون نه رهيو آهي! هونئن ته ”گهوسٽ“ جي لفظي
معنيٰ ”جن“ آهي، يعني ’اها
مخلوق جيڪا نظر نه اچي‘. انهن ٽيچرن/ استادن/ ملازمن کي ”گهوسٽ ٽيچر“ يا ”گھوسٽ ورڪر“ جي عنوان سان نوازيو ويو، جن جو وجود ته آهي پر اکين کان
اوجهل آهن. اهي استاد/ ملازم، جيڪي پگهار ته کڻن ٿا
پر ڪٿي به پنهنجون خدمتون ڏيندي نظر نه ٿا اچن. اهي استاد/ ملازم، مختلف صورتن ۾ ظاهر به آهن ته غائب به آهن. اهي استاد/ ملازم، ڪڏهن
اسڪول/ آفيس جي مسٽر رول تي براجمان
آهن ته ڪڏهن ٽي اي او جي پگهار جي سلپ ۾ ظهور پذير آهن. انهن کان خدمتون وٺڻ لاءِ
کين ڳولڻ ۽ ظاهر ڪرڻ، پڻ
ھڪڙو چئلينج بڻيل آھي.
(منفي
پرچار ۽ استاد جو مقام؛ امتياز
احمد عرساڻي، ڏيھاڙي ڪاوش تان کنيل)
No comments:
Post a Comment